کرک (آن لائن)کرک کے علاقے میں ایک آئل ٹینکر بے قابو ہو کر سڑک پر الٹ گیا ، حادثے کے نتیجے میں ٹینکر میں موجود تیل سڑک پر بہہ گیا تاہم کوئی جانی نقصان نہیں ہوا۔تفصیلات کے مطابق حادثہ انڈس ہائی وے پر پیش آیا جہاں ایک اور آئل ٹینکر تیز رفتاری کی وجہ سے بے قابو ہوگیا ۔ڈرائیور تیز رفتاری کی وجہ سے ٹینکر پر قابو نہ پاسکا جس کی وجہ سے ٹینکر سڑک پر الٹ گیا ۔ ٹینکر الٹنے سے اس میں موجود تیل سڑک پر
بہہ گیا ۔ حادثے کی وجہ سے سڑک کو گاڑیوں کی آمد و رفت کیلئے بند کر دیا گیا جس کے باعث سڑک پر گاڑیوں کی طویل قطاریں لگ گئیں ، انتظامیہ کی جانب سے سڑک سے تیل صاف کر کے اسے آمد و رفت کیلئے کھولنے کی کوشش کی جا رہی ہے ۔ واضح رہے کہ احمد پور شرقیہ میں ٹینکر کے حادثے میں206سے زائد افراد جان کی بازی ہار گئے تھے۔
سپریم کورٹ :قتل کا ملزم17سال بعد بری
اسلام آباد(آن لائن)سپریم کورٹ نے عمرقید کے سزا یافتہ ملزم اسلم عرف اچھوکو17سال بعد بری کردیا ہے، ملزم اسلم پر1999میں قصورمیں سرورنامی شخص کوقتل کرنے کاالزام تھا۔ تفصیلات کے مطابق منگل کو کیس کی سماعت قائم مقام چیف جسٹس آصف سعید کھوسہ کی سربراہی میں تین رکنی بنچ نے کی، دوران سماعت جسٹس آصف سعید کھوسہ نے ریمارکس دیئے کہ کیس کاکوئی چشم دید گواہ نہیں، نچلی عدالتوں نے حقائق کو نہیں دیکھا، اس وقت کے لاہور ہائی کورٹ کے چیف جسٹس نے کیس سنا لیکن حقائق کو نہیں دیکھا، چیف جسٹس بھی جب حقائق نہ دیکھیں توکیاکہہ سکتے ہیں، آئندہ سال 2018 میں اسلم کی عمرقید پوری ہونی ہے ،اس نے بری ہوجاناتھا، اسلم نے جو عمرقید کاٹ لی وہ کس کے کھاتے میں جائے گی، عدالت نے وکلا کے دلائل سننے کے بعد ہائی کورٹ کے فیصلے کو کالعدم قرار دے کر ملزم کو بری کردیا، ٹرائل کورٹ نے ملزم کوعمرقید سنائی تھی جبکہ ہائیکورٹ نے عمرقید برقراررکھی تھی۔
پولیس نے جوڈیشل اکیڈمی سے ملحقہ دفاتر میں آنیوالوں کی گرفتاریاں شروع کردیں
اسلام آباد(آن لائن)پولیس نے جوڈیشل اکیڈیمی سے ملحقہ دفاتر میں آنے والوں کو گرفتار کرنا شروع کرنا شروع کردیا۔فیڈرل بورڈ میں آنے والے ایک نوجوان کو موٹر سائیکل سمیت دھر لیا گیا۔نوجوان کو مشکوک ہونے کے بنا ہر حراست میں لیا گیا ہے۔ پولیس کا موقف پولیس نے فیڈرل جوڈیشل اکیڈمی کے اطراف آنے والے کئی افراد کو حراست میں لے کر تھانے منتقل کیا ہے ۔
