اسلام آباد (مانیٹرنگ ڈیسک)پاناماکیس میں شریف فیملی کی لیگل ٹیم کے وکلاجن میں مخدوم علی خان اورشاہدحامد اوروسیم اکرم راجاشامل ہیں ان کوابھی تک ان کی فیس کی مدمیں ایک روپیہ بھی نہیں ملاہے ۔ایک انگریزی اخبارکی رپورٹ کے مطابق شاہد حامدجوکہ وفاقی وزیرخزانہ ،مریم نوازاورکیپٹن (ر) صفدرایم این اے کے وکیل ہیں اوران تین شخصیات کے کیس کی پیروی کررہے ہیں
شاہد حامد کو ان کےموکلوں نے ابھی تک فیس ادا نہیں کی گئی جبک وہ اپنی فیس کے لئے ان تینوں شخصیات سے رابطہ بھی کرچکے ہیں ۔اسی اخبارسے گفتگوکرتے ہوئے شاہد حامد نے کہاکہ مجھے فیس اداکی نہیں کی گئی ہے لیکن میں اس کومیڈیاپرنہیں لائوں گاکیونکہ یہ میرے اورمیرے موکلوں کاآپس کامعاملہ ہے اورنہ ہی یہ بات کسی سے شیئرکروں گا۔
