اسلام آباد (مانیٹرنگ ڈیسک) ایفی ڈرین کوٹہ کیس میں انسداد منشیات کی عدالت نے علی موسیٰ گیلانی کے وارنٹ گرفتاری جاری کر دئیے ۔ عدالت نے حکم دیا ہے کہ آئندہ سماعت پر ملزم کو گرفتار کر کےعدالت پیش کیا جائے ۔ ایفی ڈرین کوٹہ کیس میں سابق وزیر اعظم یوسف رضا گیلانی کے بیٹے علی موسیٰ گیلانی کے وارنٹ گرفتاری جاری ،

عدالت نے 19 مئی کو گرفتار کرکے عدالت پیش کرنے کا حکم دے دیا ۔ انسداد منشیات عدالت کی جج ارم نیازی نے ایفی ڈرین کوٹہ کیس کی سماعت کی ۔ سماعت کے موقع علی موسی گیلانی سمیت دو ملزمان حاضر نہ ہوئے تو عدالت نے عدم حاضری پر وارنٹ گرفتاری جاری کر دئیے ۔ عدالت کی جانب سے ملزمان پر فرد جرم عائد کرنے کے بعد گواہوں کو بھی سمن جاری ہو چکے ہیں ۔