لاہور(آئی این پی) وزیراعلی پنجاب کے صاحبزادے حمزہ شہبازشریف نے پاناما لیکس پر خاموش رہنے کیلئے 10 ارب روپے کی پیشکش کے بے بنیاد الزامات لگانے پر عمران خان کے 10 ارب روپے کے ہرجانے کا نوٹس بھیج دیا ۔میڈیا رپورٹس کے مطابق حمزہ شہبازشریف نے یہ نوٹس اپنے وکیل کے ذریعے بھجوایا ہے جس میں موقف اپنایا گیا کہ بے بنیاد الزامات لگانے پر عمران خان 14 روز کے اندر میڈیا کے ذریعے معافی مانگیں

نوٹس کے مطابق  اگر مقررہ وقت کے اندر معافی نہ مانگی تو عدالت سے رجوع کرکے ہرجانے کا دعوی دائر کیا جائے گا۔ یادرہے کہ عمران خان نے دعوی کیا تھا کہ پاناما لیکس پر خاموش رہنے کے لیے شہبازشریف اور حمزہ شہبازشریف کے مشترکہ دوست نے انہیں 10 ارب روپے کی پیشکش کی تھی جس پر وزیراعلی پنجاب شہبازشریف پہلے ہی نوٹس بھیج چکے ہیں۔ ۔ شہبازشریف کے بعد ان کے صاحبزادے حمزہ شہباز نے بھی ہرجانے کانوٹس بھجوادیاہے ۔