اسلام آباد(مانیٹرنگ ڈیسک)بلوچستان کے شہر مستونگ میں جمعیت علمائے اسلام کے رہنما اور ڈپٹی چیئرمین سینٹ مولانا عبدالغفور حیدری پر ابتدائی اطلاعات کے مطابق حملہ خود کش تھا۔ حملے کے بعد مولانا عبدالغفور حیدری نےنجی ٹی وی چینل اے ار وائی نیوز سے بذریعہ موبائل فون رابطہ ہونے پر بتایا کہ میں زخمی ہوئی اور خون بہہ رہا ہے مگر ٹھیک ہوں، میرے ساتھیوں کا کچھ پتہ نہیں ،گاڑی میں موجود ساتھی زخمی ہیں،
یہاں افراتفری ہے۔ یہ وہ الفاظ تھے جو مولانا عبدالغفور حیدری نے میڈیا سے بات کرتے ہوئے کہے، مولانا عبدالغفور حیدری کی گاڑی خوفناک حملے میں تباہ ہو گئی جبکہ ان کا ڈرائیور بھی شہید ہو چکا ہے۔ دھماکے کے بعد مولانا عبدالغفور حیدری نہایت پر اعتماد اور ہوش و حواس میں میڈیا سے بات کرتے رہے۔ انہوں نے میڈیا سے بات چیت کرتے ہوئے کہا کہ 20سے 25افراد شہید ہو چکے ہیں۔