اسلام آباد(مانیٹرنگ ڈیسک)ملالہ یوسفزئی کو پاکستان کے سیاسی منظر نامے پر لانے کیلئے تیاریاں شروع کر دی گئیں۔2023کے عام انتخابات میں الیکشن لڑیں گی، نجی ٹی وی پروگرام میں گفتگو کرتے ہوئے مبشر لقمان کا انکشاف۔ تفصیلات کے مطابق معروف اینکر پرسن مبشر لقمان نے نجی ٹی وی کے پروگرام میں گفتگو کرتے ہوئے انکشاف کیا ہے کہ نوبل انعام یافتہ ملالہ یوسفزئی
2023کے عام انتخابات میں الیکشن لڑیں گی اور اس حوالے سے تیاریاں شروع کر دی گئی ہیں۔ مبشر لقمان کا کہنا تھا کہ ملالہ یوسفزئی کس پارٹی کے ٹکٹ سے الیکشن میں حصہ لیں گی یا نئی پارٹی بنائیں گی یا ہو سکتا ہے پیپلزپارٹی میں بلاول بھٹو زرداری کے ساتھ شریک چیئرمین کے طور پر سامنے لا کر الیکشن لڑوایا جائے مگر اس حوالے سے ابھی سوچا جا رہا ہے۔
