اسلام آباد (این این آئی)پاک چین اقتصادی راہداری منصوبہ پاکستان کو تیز رفتار اقتصادی ترقی کی شاہراہ پر لے جائیگا ٗطویل، کشادہ اور محفوظ سڑکوں کے منصوبوں کی تکمیل سے پاکستانی عوام کیلیے روزگار کے نئے مواقع پیداہوں گے۔وزارت منصوبہ بندی ذرائع کے مطابق موجودہ حکومت نے 2013 ء سے لے کر اب تک بنیادی ڈھانچے کی بہتری کیلئے ترجیحی بنیادوں پر اقدامات اٹھائے ہیں جن کے نتائج سامنے آنا شروع ہو گئے ہیں ٗ
گزشتہ دنوں کے سنٹرل ڈویلپمنٹ ورکنگ پارٹی نے ملک میں انفراسٹرکچر کے مختلف منصوبوں کی منظوری دی ہے جس میں لاہور ، سیالکوٹ موٹر وے لنک کا منصوبہ جو 15.98ارب روپے میں تعمیر ہو گا جوچار لین 73.3کلومیٹر کی یہ موٹر وے نارنگ منڈی کے زریعے ناروال کو لنک کریگی ٗ 1.7ارب لاگت کا کڑاڑو۔ودھ سیکشن نیشنل ہائی وے این 25 کی توسیع و بحالی کا منصوبہ منظور کیا۔ مہمند ایجنسی میں4.39بلین کی لاگت سے غلنئی محمد گٹ روڈ کا منصوبہ منظور کیا،سی ڈی ڈبلیو پی نے تجرباتی بنیادوں پر 381ملین کی لاگت سے تجرباتی بنیادوں راوالپنڈی و کوہاٹ کے درمیان ریل کار چلانے کی منظوری دیدی گئی ہے ٗگزشتہ سال کے آخر میں بیجنگ میں مشترکہ تعاون کمیٹی ( جے سی سی) نے ٹرانسپورٹ انفراسٹرکچر کے دو بڑے منصوبوں ملتان سکھر موٹر وے اورقراقرم ہائی وے کے حویلیاں تھاکوٹ سیکشن کو سی پیک کیلئے اہم سنگ میل قرار دیتے ہوئے اس پر کام کی رفتار اور اس ضمن میں پاکستانی حکومت کی جانب سے کی جانے والی سکیورٹی و دیگر انتظامی اقدامات پر اطمینان کا اظہار کیا ۔
