اسلام آباد(مانیٹرنگ ڈیسک)ڈان لیکس رپورٹ ایگزیکٹور آرڈر کے بعدحکومت و عسکری تنائو کم کرانے کیلئے شہباز شریف سرگرم، چوہدری نثار کو بھی ہاتھ ’’ہولا‘‘رکھنے کی ہدایت۔ تفصیلات کے مطابق ڈان لیکس رپورٹ ایگزیکٹور آرڈر کے بعدحکومت و عسکری تنائو کم کرانےاور دوریاںختم کرانے کیلئے شہباز شریف سرگرم ہو گئے ہیں ۔ نجی ٹی وی سمانیوز کی ایک رپورٹ کے مطابق وزیراعلیٰ پنجاب میاں شہباز شریف
کےحکومتی و عسکری تنائو اور دوریاں کم کرانے کیلئےاہم شخصیات سے راولپنڈی میں رابطے بھی ہوئے ہیںاور وہ اس حوالے سے ملاقاتیں بھی کر رہے ہیںجبکہ وفاقی وزیر داخلہ چوہدری نـثار کو حساس اداروں کے حوالے سے ’’ہاتھ ہولا‘‘رکھنے کا بھی مشورہ دیا گیا ہے۔شہباز شریف کی کوشش ہے کہ سیاسی و عسکری قیادت ایک پیج پر آ جائے اور اس کے بعد ڈان لیکس رپورٹ میں آرڈر وزارت داخلہ سے باہمی اتفاق رائے کے بعد جاری ہو۔
