اسلام آباد(مانیٹرنگ ڈیسک)شاہد آفریدی کون، میں نہیں جانتا، میں کرکٹ نہیں دیکھتا،کروڑوں دلوں کی دھڑکن معروف پاکستانی آل رائونڈر شاہد آفریدی کے بیان پر ن لیگ کے اہم رہنما دانیال عزیز نے جواب دینے کے بجائے شاہد آفریدی کو پہچاننے سے ہی انکار کر دیا۔تفصیلات کے مطابق ن لیگ کے اہم رہنما دانیال عزیز نے شاہد آفریدی کو پہنچاننے سے ہی انکار کر دیا
اور کہا ہے کہ میں انہیں نہیں جانتا کیونکہ میں کرکٹ نہیں دیکھتا۔ دانیال عزیز نے یہ بات نجی ٹی وی رپورٹر کے اس سوال کے جواب میں کہی جس میں اس نے ن لیگی رہنما سے شاہد آفریدی کے بیان بارے پوچھا تھا ۔ واضح رہے کہ معروف پاکستانی کرکٹر شاہد آفریدی نے اپنے ایک بیان میں کہا تھا کہ ’’سیاستدان یہ فیصلہ کریں کہ ملک کو بچانا ہے یا کرسی کو‘‘۔
