لاہور( این این آئی)ڈولفن فورس کے اہلکاروں نے موٹر سائیکل تیز رفتاری سے چلانے پر دونوجوانوں کو سڑک پر مر غا بنا دیا۔ نجی ٹی وی چینل پر دکھائی جانے والی ویڈیو میں دیکھا جا سکتا ہے کہ مون مارکیٹ میں ڈولفن فورس کے چار اہلکاروں نے دو نوجوانوں کو سر عام سڑک پر

مرغا بنا رکھا ہے ۔ بتایاگیا ہے کہ نوجوانوں کو موٹر سائیکل تیز رفتاری سے چلانے پر مرغا بنایا گیا اور کچھ دیر بعد معافی مانگنے پر انہیں جانے کی اجازت دیدی گئی۔ڈی آئی جی آپریشنز ڈاکٹر حیدر اشرف نے واقعے کا نوٹس لیتے ہوئے رپورٹ طلب کر لی ۔