لاہور( آن لائن) لاہور ہائیکورٹ نے پانامہ لیکس پر تحریک انصاف کے سربراہ عمران خان کو خاموشی اختیار کرنے کے عوض 10 ارب کی پیشکش کی تحقیقات کیلئے درخواست کے قابل سماعت ہونے کے بارے میں فیصلہ محفوظ کر لیا ہے۔ لاہور ہائیکورٹ کے جسٹس شاہد کریم نے مقامی وکیل علم الدین غازی کی درخواست پر سماعت کی جس میں موقف اختیار کیا گیا کہ عمران خان نے انکشاف کیا کہ پانامہ لیکس پر انہیں خاموش

رہنے کیلئے دس ارب کی پیشکش کی گئی. درخواست گزار وکیل کے مطابق عمران خان کے انکشاف کے بعد عوام میں بے چینی پھیلی ہوئی ہے کہ عمران کو یہ پیشکش کس نے کی اور کیا دس ارب روپے کے انکشاف میں کوئی صداقت ہے یا نہیں. درخواستگزار وکیل نے استدعا کی دس ارب روپے کی پیشکش کے انکشاف کی فوری تحقیقات کی جائیں تاکہ اصل بات سامنے آسکے۔

موضوعات:پانامالیکس