اسلام آباد(مانیٹرنگ ڈیسک)پاکستان تحریک انصاف کے چیرمین عمران خان نے کہاکہ خیبرپختونخوامیں خاتون رکن اسمبلی سے بدتمیزی کرنے والے صوبائی وزیر کومعافی مانگنی چاہیے ۔ایک نجی ٹی وی کے مطابق عمران خا ن نے کہاکہ تحریک انصاف کے صوبائی وزیر کی پیپلزپارٹی کی خاتون رکن اسمبلی نگہت اورکزئی سے بدتمیزی افسوسناک ہے اوراس کی اجازت ہمارامذہب اوررسم ورواج بھی نہیں دیتے ۔
انہوں نے کہاکہ اگرہمارے کسی رکن اسمبلی نے دوبارہ ایسی حرکت کی توسخت کارروائی کی جائےگی ۔واضح رہے کہ پاکستان پیپلز پارٹی کے چیئرمین بلاول بھٹو زرداری نےخیبرپختونخوامیں پارٹی کی رکن اسمبلی نگہت اورکزئی سے پی ٹی آئی کے صوبائی وزیرکی بدتمیزی کی سخت مذمت کی تھی اوراس موقع پرعمران خان کوتنقید کانشانہ بناتے ہوئے کہاکہ کٹھ پتلی خان اپنے وزیروں کولگام دیں ۔
