لاہور ( این این آئی) گلوکارہ سائرہ ارشد نے وزیر اعظم بننے کی خواہش ظاہرکر دی ، نواز شریف ، عمران خان اور نہ آصف زرداری اب میری باری کا نعرے لیکر گلوکارہ میدان میں آگئیں ۔ اس حوالے سے گلوکارہ سائرہ ارشد نے ’’ این این آئی‘‘ سے خصوصی گفتگو کرتے ہوئے بتایا کہ میں نے اپنے خواب میں خود کو وزیر اعظم کے طور پر دیکھا ہے اور میرے خواب اکثر سچ ہوتے ہیں ،
اب نواز شریف ، عمران خان اور آصف علی زرداری نہیں بلکہ میں وزیر اعظم بنوں گی ۔ میں نے جو خواب دیکھا ہے مجھے سو فیصد یقین ہے کہ میں اس ملک کی وزیر اعظم بن جائوں گی ۔ ایک سوال کے جواب میں انہوں نے کہا کہ جس طرح منظور وٹو چند سیٹوں کے ساتھ پنجاب کے وزیر اعلیٰ بن گئے تھے اسی طرح کا کوئی سبب میرے وزیر اعظم بننے کا راستہ بھی کھولے گا ۔ سائرہ ارشد نے کہا کہ میں صرف فنکاروں کی وزیر اعظم نہیں بنوں گی بلکہ اس ملک کے 24کروڑ لوگوں کی وزیر اعظم بن کر ان کے تمام دکھوں اور محرومیوں کا مداوا کروں گی ۔
