کراچی (مانیٹرنگ ڈیسک) ملک بھرمیں اہم شخصیات کوبھرپورسیکیورٹی دی جاتی ہے او ران کووی وی آئی پیزکاد رجہ بھی دیاگیاہے اوران کے پروٹوکول کانوائے جب شاہرائوں پرنکلتے ہیں توعام افراد کاان علاقوں سے گزربھی مشکل ہوجاتاہے اوراب تک کئی بڑے رہنمائوں کے اس پروٹوکول کی وجہ سے متعدد افراد جن کوہسپتال لے جایاجارہاتھا ان میں سے کئی کی اموات بھی ہوچکی ہیں
کیونکہ پروٹوکول اوروی وی آئی پیزکی آمد کے موقع پرسڑکوں پرسفرکرناتودرکناران کوعبورکرنابھی مشکل ہوتاہے اوراگرکوئی ان کوعبورکرنے کی کوشش کرے توپھرسیکیورٹی اہلکاران کوایسے کرنے بھی نہیں دیتے لیکن پیرکے روزاس وقت کراچی کے عوام حیران رہ گئے جب پاکستان تحریک انصاف کے چیرمین عمران خان نے بغیرپرو ٹوکول اورسیکیورٹی کے عام شہریوں کی طرح ایک شاہراہ پرسفرکیاتوعوام عمران خان کواس اندازمیں سفرکرتے دیکھ کرحیران لیکن بہت خوش ہوئے ۔کراچی کی اس شاہراہ پرعوام کواس وقت شدیدحیرانگی ہوئی جب عمران خا ن نے ٹریفک قوانین کی مکمل پاسداری کی اورمختلف ٹریفک سگنلز پران کی گاڑی بھی دوسرے شہریوں کی طرح رکی تواس پرشہریوں نے خوشی کااظہارکیا۔واضح رہے کہ ان دنوں پاکستان تحریک انصاف کے چیرمین عمران خان کراچی کے دورے پرہیں اوروہاں پرتحریک انصاف کی سرگرمیاں عروج پرہیں ۔کپتان کی جانب سے کراچی میں سفر کے دوران ٹریفک قوانین کی بھرپور پاسداری دیکھی گئی۔ پروٹوکول سمیت دوبارسگنل پر رکے اور گداگروں کو دو ، دوسو روپے بھی دیئے۔
