اسلام آباد(مانیٹرنگ ڈیسک)پیپلزپارٹی کی مرکزی رہنما فردوش عاش اعوان، نذر محمد گوندل اور ندیم افضل چن کی تحریک انصاف میں شمولیت متوقع، نجی ٹی وی اور مؤقر قومی روزنامے کی رپورٹ میں انکشاف۔ تفصیلات کے مطابق نجی ٹی وی ’’چینل ۵‘‘اور ’’روزنامہ خبریں ‘‘کے مطابق پیپلزپارٹی کے پنجاب سے تعلق رکھنے والے تین مرکزی رہنما فردوس عاشق اعوان، نـذر محمد گوندل اور ندیم افضل چن کی تحریک انصاف میں شمولیت آئندہ چند روز میں متوقع ہے۔ نجی ٹی وی اور اخبار کے مطابق سابق وفاقی وزیر فردوش
عاشق اعوان نے تحریک انصاف میں شمولیت کا حتمی فیصلہ کر لیا ہے اور وہ تحریک انصاف کے7مئ کو سیالکوٹ جلسے میں اس کا اعلان کریں گی جبکہ دیگر دو رہنما نذر محمد گوندل اور ندیم افضل چن قیادت سے اختلافات کے باعث مایوسی کا شکار ہیں اور ان کی بھی آئندہ چند روز میں عمران خان سے ملاقات متوقع ہے، نیوز چینل اور اخبار کے ذرائع کے مطابق 7مئی کو تحریک انصاف کے سیالکوٹ میں ہونے والے جلسے میں فردوس عاشق اعوان کے ہمراہ دیگر دو رہنما نذر محمد گوندل اور افضل چن بھی شامل ہو سکتے ہیں ۔
