لاہور ( آئی این پی ) پی آئی ڈی کے سابق پی آئی او راؤ تحسین نے اپنی برطرفی کو عدالت میں چیلنج کرنے کا اعلان کرتے ہوئے کہا ہے کہ عہدے سے ہٹایا جانا حکومت کا استحقاق ہے ، جس کمیشن کی رپورٹ پر ہٹایا گیا اس کو چیلنج کروں گا ، میں کسی ایسے عمل کا حصہ نہیں جس سے حب الوطنی یا پیشہ ورانہ اہلیت پر حرف آئے ۔ اتوار کو ایک نجی ٹی وی کے مطابق سابق پی آئی او پی آئی ڈی راؤ تحسین نے عہدے سے ہٹائے جانے
پر اپنی برطرفی کو عدالت میں چیلنج کرنے کا اعلان کیا ہے ۔انکا کہنا ہے کہ عہدے سے ہٹایا جانا حکومت کا استحقاق ہے مگر جس کمیشن کی رپورٹ پر ہٹایا گیا اسے چیلنج کروں گا ۔ بتایا جائے فیصلہ کیسے اور کس بنیاد پر کیا گیا ۔ کمیٹی میں کوئی ایسا شخص نہیں تھا جس کا میڈیا سے تعلق ہو ۔ انہوں نے کہا کہ خود کو آئین قانون اور حکومت کے احکامات کا پابند سمجھتا ہوں ۔ کسی ایسے عمل کا حصہ نہیں جس سے حب الوطنی یا پیشہ ورانہ اہلیت پر حرف آئے ۔
