اسلام آباد(مانیٹرنگ ڈیسک)چیئرمین پاکستان تحریک انصاف عمران خان نے گزشتہ روز وزیراعظم کے خطاب کے دوران خواتین کے متعلق کی جانے والی بات پر ردعمل ظاہرکردیا۔ کہتے ہیں نوازشریف کے اندرکا فاشسٹ بےنقاب ہوگیا۔سماجی رابطوں کی ویب سائٹ ٹوئٹرپر اپنے پیغام میں عمران خان کا کہنا تھا کہ نوازشریف کے چہرے سے
نقاب اتر گیا اور ان کے اندر کا فاشسٹ سامنے آگیا ہے۔ خواتین سے متعلق ان کے الفاظ انتہائی قابل مذمت ہیں۔عمران خان نے اگلی ٹویٹ میں کہا کہ نوازشریف کتنی جلدی بھول گئے کہ یہ ان کی اہلیہ کلثوم نواز ہی تھیں جنہوں نے ان کی گرفتاری اور جلاوطنی کیخلاف مظاہروں کی قیادت کی جب نواز شریف کے تمام مرد حمایتی غائب ہوگئے ۔
