اسلام آباد(مانیٹرنگ ڈیسک)وزیر اعظم نواز شریف کی صاحبزادی مریم نواز شریف نے اوکاڑہ جلسے پر ٹویٹ کرتے ہوئے کہا کہ “شیر آگیا”،اللہ کی مدد اور عوام کی سپورٹ ہو تو باقی کچھ معانی نہیں رکھتا۔ ٹوئٹر پر جاری پیغامات میں مریم نواز کا کہنا تھا کہ دن کی روشنی میں جلسہ اور وہ بھی اتنا بڑا ،اس کو کہتے ہیں عوام۔
اوکاڑہ کا جلسہ بہت بڑا ہے،لوگوں کے جذبہ کی طرف دیکھو ،الحمدللہ۔واضح رہے کہ وزیر اعظم نواز شریف نے گزشتہ روز اوکاڑہ میں بڑا جلسہ کیا ،جلسے سے خطاب کرتے ہوئے ان کا کہنا تھا کہ جو پاکستان کو آگے بڑھنے نہیں دینا چاہتے وہ ہماری ٹانگیں کھینچ رہے ہیں ،ایسے لوگ پاکستان کو ترقی کرتے نہیں دیکھنا چاہتے۔
