اسلام آباد(آئی این پی)عوامی مسلم لیگ کے سربراہ شیخ رشید احمد نے دعوی کیا ہے کہ نواز شریف نااہل ہو چکے، ان کو60 دن کی مہلت ملی ہے،نواز شریف کو عدالت نے اتارا تو وہ شہید نہیں کہلائیں گے، ڈان لیکس میں اصل مجرموں کو بچا لیا گیا، وزیر اعظم کی جندال سے چھپ کر ملاقات درست نہیں، جندال کا چھپ چھپ کر آنا بھی شرمناک ہے ،عمران خان عوام کی امیدوں کی آخری کرن ہیں ، عمران خان ساتھی ہوں ،

انہوں نے کہا کہ نوازشریف صاحب آپ ڈان لیکس کو روک رہے ہیں ، کہاں گیا قائد اعظم سولر پلانٹ اور نندی پور پاور پراجیکٹ ، خان صاحب میں فیل ،تین میں کمپارٹ اور پپو کہتا ہے پاس ہوگیا ،انہوں نے کہا کہ وکلا 6 مئی کونکلیں تاریخی استقبال کیا جائے گا۔جمعہ کو پریڈ ایونیو میں تحریک انصاف کے جلسہ عام سے خطاب کے دوران عوامی مسلم لیگ کے سربراہ شیخ رشید نے کہا کہ عمران خان عوام کی امید وں کی آخری کرن ہیں اور ان کا ساتھی ہوں ، دوججوں نے کہاکہ وزیراعظم صادق اورامین نہیں رہے،ججوں نے فیصلے میں میرے بارے میں اچھے جملے استعمال کئے ، پانچ کے پانچ ججوں نے کہا کہ قطری خط بکواس ہے ، پانچوں ججز نے کہا کہ کوئی منی ٹریل نہیں ہے ، وکلاء سڑکوں پر نکلیں ان کا تاریخی استقبال ہوگا ، سجن جندال کس خوشی میں پاکستان آیا تھا ۔انہوں نے کہا کہ وزیراعظم ملک کیلئے سیکیورٹی رسک ہیں ، ریاض پیرزادہ نے چوروں کو بے نقاب کیا ہے ، آج اگر وزیر خارجہ ہوتا تو جنرل(ر) راحیل شریف کو بھیجنے کا فیصلہ اسمبلی آتا۔ شیخ رشید نے کہا کہ اس ملک میں کوئی چیز حاصل نہیں ہوتی ، ملک میں نہ بجلی ہے نہ پانی ،گھی کسی کو خالص نہیں ملتا ،پینے کا پانی بھی خالص نہیں ملتا ، نوجوان بے روزگار ہیں ، نوکری نہیں ملتی ، اس نظام کے خلاف علم بغاوت بلند کرنا چاہتا ہوں ، خود مرنا چاہتا ہوں اور کسی کو مارنا چاہتا ہوں ۔

انہوں نے کہا کہ بڑے بڑے ضدی لوگ دیکھے لیکن نوازشریف جیسا بے شرم نہیں دیکھا ، وزیراعظم نوازشریف ڈان لیکس کو روک رہے ہیں ۔