لاہور(مانیٹرنگ ڈیسک)بھارتی سٹیل تاٹی کون سجن جندل جنہوں نے گزشتہ روزوزیراعظم نوازشریف سے مری میں ملاقات کی تھی جس کی تصدیق وزیراعظم کی صاحبزادی مریم نوازنے بھی کی کہ سجن جندل نوازشریف کے دوست ہیں ۔بھارتی تاجرسجن جندل اوروزیراعظم نوازشریف کی اس غیراعلانیہ ملاقات نے ملک بھرمیں ایک بھونچال برپاکردیاکہ ایک طرف بھارتی جاسوس کلبھوشن کوسزائے موت دی گئی ہے۔
سجن جندل سے وزیراعظم کی اس ملاقات پراپوزیشن جماعتوں اورمیڈیامیں وزیراعظم پرشدیدتنقید کی جارہی ہے ۔اب حکومت نے میں موقف اپنایاہے کہ سجن جندل وزیراعظم نوازشریف کے گہرے دوست ہیں اوریہ ملاقات ذاتی نوعیت کی تھی لیکن اس دوران ہی میڈیاپر تصاویرسامنے آئی ہے جس میں سابق صدرپرویزمشرف اورسجن جندل اکھٹے بیٹھے ہیں جس کے بعد ایک نیاپنڈوراباکس کھل گیاہےاورکہاجارہاہے کہ پرویزمشرف کے بھی سجن جندل کے ساتھ بھی انتہائی گہرے تعلقات ہیں اوریہ تصاویراس وقت کی ہے جب پرویزمشرف نے اپنے د و راقتدارمیں بھارت کادورہ کیاتھا۔
