اسلام آباد (این این آئی)سٹیٹ بینک آف پاکستان ، سٹیٹ بینک بینکنگ سروسز آف پاکستان ، تمام شیڈولڈ بینک و مالیاتی ادارے پیر یکم مئی کو لیبر ڈے کی تعطیل کے سلسلہ میں بند رہیں گے۔سٹیٹ بینک آف پاکستان کی جانب سے جاری کئے گئے نوٹیفکیشن کے مطابق لیبر ڈے کی تعطیل کے موقع پر کسی قسم کا کوئی کاروباری لین دین نہیں ہو گا ٗ منگل2مئی کو بینک و

مالیاتی ادارے معمول کے مطابق خدمات سرانجام دیں گے۔ دوسری جانب ملک بھر کی تمام یونیورسٹیز ، کالجز ، سکولز اور دیگر تعلیمی اداروں میں یکم مئی بروز پیرکو عام تعطیل ہو گی۔ محکمہ تعلیم کے ترجمان نے بتا یا کہ چونکہ حکومت پاکستان نے یکم مئی کو لیبر ڈے کے موقع پر ملک بھر میں عام تعطیل کا اعلان کیا ہے لہٰذا پیر کو تعلیمی ادارے بھی بند رہیں گے۔