اسلام آباد(نامہ نگار)شہریوں کی درخواست پر ان کی تصاویر والے جعلی فیس بک اکائونٹس کی تفصیلات ایف آئی اے کو فراہم کرنے کیلئے فیس بک انتظامیہ کو احکامات جاری۔تفصیلات کے مطابق ضلع کچہری لاہور میں جوڈیشل مجسٹریٹ نےشہریوں کی درخواست کی سماعت کرتے ہوئے ان کی تصاویر والے جعلی فیس بک اکائونٹ کی تفصیلات ایف آئی اے کو فراہم کرنے کیلئے فیس بک انتظامیہ
کو حکم جاری کر دیا ہے۔ جوڈیشل مجسٹریٹ فاروق اعظم سوہل نے ایف آئی اے کی مختلف درخواستوں پر سماعت کرتے ہوئے فیس بک انتظامیہ کو حکم جاری کیاہے۔ درخواستوں میں ایف آئی اے کے تفتیشی افسر نے موقف اختیار کیا کہ شہریوں نے درخواست دی ہے کہ نامعلوم ملزمان فیس بک پران کے نام اور تصاویر سے جعلی آئی ڈی اور اکائونٹس بنا کر نازیبا پوسٹ شیئر کر کے ان کو بدنام کر رہے ہیں۔
