اسلام آباد(مانیٹرنگ ڈیسک) پاکستان مسلم لیگ(ن) نے آئندہ الیکشن میں تحریک انصاف کو خیبر پختونخواہ میں زیر کرنے کیلئے تیاریاں شروع کر دیں۔ تفصیلات کے مطابق خیبر پختونخواہ کے رہنمائوں کے ساتھ وزیر اعظم نواز شریف کی ایک خصوصی نشست ہوئی جس میں 2018 کے آمدہ الیکشن کے حوالے سے ٹکٹوں کی تقسیم کیلئے کئی نام فائنل بھی کر لئے گئے۔ پاکستان مسلم لیگ (ن) کے مرکزی رہنما انجینئر امیر مقام کو مسلم لیگ (ن) خیبر پختونخواہ کے صدر کی اہم

ذمہ داری بھی سونپ دی گئی جبکہ مرتضیٰ جاوید عباسی کو پارٹی کا سیکرٹری جنرل بنا دیا گیا ہے۔ وزیر اعظم نواز شریف کا اس موقع پر کہنا تھا کہ پاکستان تحریک انصاف کی خیبر پختونخواہ میں ناقص کارکردگی پر مسلم لیگ ن کیلئے آئندہ الیکشن جیتنے کے شاندار مواقع موجود ہیں۔ وزیر اعظم کا مزید کہنا تھا کہ (ن) لیگ کی حکومت میں موٹروے بن رہے ہیں اور سڑکوں کا جال بچھایا جا رہا ہے، آنے والے دنوں میں پانی اور بجلی کے مسائل بھی حل کر لئے جائیں گے۔