لاہور(آئی این پی) سپیکر قومی اسمبلی سردار ایاز صادق کی آمد سے قبل (ن) لیگی دو گروپوں نے جلسہ گاہ کو میدان جنگ بنا دیا ‘ایک دوسرے پر تھپڑوں اور گھونسوں کی بارش کر دی ۔ یونین کونسل 120 میں اتوار کے روز سپیکر قومی اسمبلی پارٹی عہدیداروں میں نوٹی فکیشن تقسیم کر نے کیلئے آئے مگر ان کی آمد سے قبل ہی

تقریب میں انتظامات کے حوالے سے (ن) لیگ کے اپنے ہی دو گروپوں میں لڑائی شروع ہوگئی جس پر نون لیگ کے کارکن آپس میں گھتم گھتا ہوگئے‘ متوالوں نے خوب ایک دوسرے کی طبعیت صاف کی اور کئی منٹ تک جلسہ گاہ کا پنڈال میدان جنگ بنا رہا تاہم سپیکر نے آکر دونوں گروپوں میں صلح کرواکر ان کو خاموش کروادیا ۔