ملتان(مانیٹرنگ ڈیسک )سعودی عرب سے نکالے گئے 130پاکستانی پاکستان پہنچ گئے ۔سعودی حکومت کی طرف سے ڈی پورٹ ہونے کے بعد یہ پاکستانی ملتان ائرپورٹ پرپہنچے توانہوں نے انکشاف کہاکہ سعودی حکومت نے ان کوڈی پورٹ توکردیاہے لیکن جن کمپنیوں میں وہ کام کررہے تھے وہ بن لادن گروپ اورریڈیکورئیل سٹیٹ ڈویلپمنٹ ہیں لیکن ان کمپنیوں نے ان کوایک سال کامعاوضہ بھی نہیں دیااوربہت ہی مشکل
وقت گزارتے رہے ۔ایک انگریزی جریدے کی رپورٹ کے مطابق سعودی عرب سے نکالے گئے ان پاکستانیوں پرالزام ہے کہ وہ پرمٹ کی مدت ختم ہونے پرڈی پور ٹ کئے گئے لیکن حقیقت یہ ہے کہ ان کمپنیوں نے ان کے ورک پرمٹ کی دوسالہ تجدیدنہیں کرائی اورملبہ ان پاکستانی شہریوں پرگرادیاگیاکہ یہ غیرقانونی طورپرمقیم ہیں ۔ان ڈی پور ٹ کئے گئے ا فراد میں ایک پاکستانی شہری نے بتایاکہ ہمارے مالکان نے ہمیں ایک سال کے واجبات بھی نہیں دیئے ۔اس نے کہاکہ ہم نے پاکستانی سفارتخانے سے بھی اس معاملے پرکئی درخواستیں دیں لیکن وہاں سے بھی کوئی جواب نہیں ملااورہماری تنخواہوں کی ادائیگی میں کوئی مددبھی نہیں کی گئی ۔ڈی پورٹ کئے گئے پاکستانی شہریوں نے بتایاکہ ہماری ملازمتیں ختم اورتنخواہیں نہ ملنے کی وجہ سے ہمیں جبیل آرسی کمپس میں رہائش رکھناپڑی کیونکہ ورک پرمٹ کے بغیرسعودی عرب میں ملازمت نہیں دی جاتی ہے اورکئ روزبھوکے رہتے تھے ۔انہوں نے کہاکہ جب ہم نے پاکستانی سفارتخانے سے چھ ماہ قبل رابطہ کیاتوہمیں جواب دیاگیاکہ پرمٹ کی تجدیدکرنےوالا سعودی سسٹم ہیک ہوگیاہے اوراس کی بحالی کے بعد ہی آپ کی امدادممکن ہوسکے گی ۔دوسری طرف وزارت خارجہ نے ان پاکستانیوں کوفی کس 50ہزا روپے دینے کادعوی کیاتھالیکن ان ڈی پورٹ کردہ شہریوں نے بتایاکہ ہمارے اہل خانہ کوتوصرف 10ہزارروپے ملے باقی رقم کاہمیں کچھ نہیں معلوم ہے ۔
