اسلام آباد (این این آئی)وفاقی دارالحکومت اسلا م آباد میں چارسالہ بچے کو جن نکالنے کے نام پر بہیمانہ تشدد کا نشانہ بنانے والے جعلی عامل کو گرفتار کر لیا گیا۔تفصیلات کے مطابق اسلام آباد کے علاقے تھانہ بارہ کہو کی حدود میں 4سالہ بچے کوعلاج کیلئے سائیں شوکت نامی جعلی عامل کے پاس لایا گیا ٗعامل نے بچے کے والدین کو بتا یا کہ آپ کے بچے میں جن ہیں جو عمل کے ذریعے نکل سکتے ہیں ،والدین کی جانب سے علاج کی
اجازت کے بعد ملزم نے بچے سے جن نکالنے کا ڈرامہ رچانے کیلئے اسے وحشیانہ تشدد کانشانہ بنایا جس پر بچے کی حالت غیر ہوگئی ٗواقعہ کی اطلاع ملنے پر پولیس موقع پر پہنچ گئی اورعامل کو گرفتار کرکے بچے کو ہسپتال منتقل کردیا۔پولیس حکام نے بتایا کہ میڈیکل رپورٹ میں بچے پر تشدد ثابت ہوگیا ہے ٗ جسم پر بھی تشدد کے واضح نشانات موجود ہیں تاہم زیر حراست جعلی عامل کیخلاف مقدمہ درج کرکے تفتیش شروع کردی گئی ہے۔
