اسلام آباد (آئی این پی ) محکمہ موسمیات نے آئندہ 24گھنٹوں کے دوران ملک کے بیشتر علاقوں میں موسم خشک رہنے کی پیشنگوئی کرتے ہوئے کہا ہے کہ اس دوران مالاکنڈ، کوئٹہ، ژوب ڈویژن اور فاٹا میں بعض مقامات پر گرج چمک کے ساتھ ہلکی بارش جبکہ صوبہ سندھ اور

جنوبی بلوچستان میں موسم گرم رہنے کا امکان ہے۔ فورکاسٹنگ آفیسر کا کہنا ہے کہ اگلے 2روز کے دوران مالاکنڈ، ہزارہ ،راولپنڈی ڈویژن، اسلام آباد، فاٹا، کشمیر اور گلت بلتستان میں چند مقامات پر گرج چمک کے ساتھ بارش کی امید ہے۔ گزشتہ روز ملک کے بیشتر علاقوں میں موسم خشک رہا۔ ریکارڈ کیے گئے سرد ترین مقامات کے درجہ حرارت کے مطابق کالام اور استور میں 02 ڈگری سینٹی گریڈ جبکہ گزشتہ روز سب سے زیادہ درجہ حرارت شہیدبینظیرآباد میں42،مٹھی، چھور، پڈعیدن اور حیدرآباد میں40ریکارڈ کیاگیا ۔