اسلام آباد(مانیٹرنگ ڈیسک)2007 سے2008 تک کی فوجی مہم آپریشن ردالفساد میں بدل چکی ہے۔آرمی چیف کا سیمینار سے خطاب ۔آئی ایس پی آر کے مطابق آرمی چیف جنرل قمر جاوید باجوہ نے پاک برطانیہ ”امن کی کوششوں میں تجربات کا تبادلہ“ کے موضوع پر سیمینار سے خطاب کرتے ہوئے کہا ہے کہ2007 سے2008 تک کی پاک فوج کی دہشتگردی کےخلاف مہم آپریشن ردالفساد میں بدل چکی ہے ۔پاک فوج نے دہشتگردی ،انتہا

پسندی کیخلاف بے پناہ کام کیا ہے،آپریشن ردالفساد ملک میں پائیدار امن واستحکام کیلئے جاری ہے۔اس موقع پر برطانوی لیفٹیننٹ جنرل پیٹرک سینڈر نے پاک فوج،عوام کی قربانیوں کو سراہا۔ان کا کہنا تھا کہ پاکستان کی مسلح افواج کی قربانیوں سے پاکستان ہی نہیں بلکہ دنیا بھی محفوظ ہوئی۔سیمینار میں برطانوی ہائی کمشنر،سفارتکار،تھنک ٹینکس اور یونیورسٹیز کے نمائندوںکے علاوہ دیگر حکام بھی شریک تھے۔