لاہور( این این آئی)تحریک انصاف کے سربراہ عمران خان کے ’’حکم ‘‘پر عملدرآمد شروع ہو گیا ،پی ٹی آئی کے رہنما فیصل واوڈا لیگی رہنما جاوید لطیف کے متنازعہ بیان پر احتجاج کرتے ہوئے نجی ٹی وی کے پروگرام سے اٹھ کر چلے گئے جبکہ وقفے کے بعد میاں جاوید لطیف بھی ناراض ہوکر لائیو پروگرام سے چلے گئے۔پارلیمنٹ میں مراد سعید اور میاں جاوید لطیف کے درمیان ہونے والے جھگڑے کے بعد عمران خان نے پارٹی
کو جاوید لطیف کے سوشل بائیکاٹ کی ہدایت کی تھی اورکہا تھا کہ جس پروگرام میں جاوید لطیف ہوں گے پی ٹی آئی کا کوئی رہنما اس میں شرکت نہیں کریں گے۔ گزشتہ روز پی ٹی آئی کے رہنما فیصل واڈا اور لیگی رکن اسمبلی میاں جاوید لطیف ایک نجی ٹی وی کے پروگرام میں شریک تھے کہ اسی دوران فیصل واوڈا نے کہا کہ میری پارٹی کا فیصلہ ہے کہ ہم میاں جاوید لطیف کے شرمناک بیان کے بعد ان کے ساتھ کسی پروگرام میں شریک نہیں ہوں گے اس لیے میں اس پروگرام سے احتجاجاًواک آئوٹ کر رہا ہوں .
