اسلام آباد(مانیٹرنگ ڈیسک) سابق پاکستانی کرکٹر اور مبلغ سعید انور نے ایک تقریب سے خطاب کرتے ہوئے کہا کہ محمد یوسف غیر مسلم تھے، کلمہ پڑھا مسلمان ہوئے اور لھ بھگ دو سال تک انہوں نے اس بات کو چھپائے رکھا۔ ایک بار پاکستانی ٹیم سعودی عرب میں میچ کھیلنے گئی۔ وہاں میچز کینسل ہو گئے۔ محمد یوسف کو پتہ چلا کہ سب کعبہ دیکھنے جا رہے ہیں۔ محمد یوسف نے کہا کہ مجھے بھی کعبہ لے چلو میں نے دیکھنا

ہے۔ محمد یوسف کے جواب میں راشد لطیف نے کہا کہ تمہارے پاسپورٹ پر تو غیر مسلم لکھا ہوا ہے۔ تو محمد یوسف نے کہا کہ مجھے بھی لے چلو اور مجھے مسلمان کر دو۔ راشد لطیف نے مولانا طارق جمیل کوفون کیا اور ساری بات بتائی۔ مولانا طارق جمیل نے سعودی عرب میں محمد یوسف کیلئے خصوصی انتظامات کروائے۔ انضمام الحق نے محمد یوسف کا ہاتھ پکڑا اور انضمام الحق کی اہلیہ نے محمد یوسف کی اہلیہ کا ہاتھ پکڑ لیا۔ وہ سب کعبہ چلے گئے۔ محمد یوسف کو انضمام الحق نے کہا کہ جب کعبہ آئے گا تو میں تمہیں بتائوںگا، محمد یوسف نے منہ نیچے کر لیا۔ محمد یوسف اور ان کی اہلیہ نے کعبے کو جب دیکھا تو دونوں نے کچھ ایسا دیکھا کہ چیخ ماری اور زارو قطار رونے لگے۔ ہمیں سمجھ نہیں آئی کہ انہوں نے ایسا کیا دیکھا تھا لیکن وہ منظر بہت پر نور تھا۔