اسلام آباد(مانیٹرنگ ڈیسک)تفریح کے لئے آئے قطری شہزادےپاکستانی خاتون کی زندگی سے ہی کھیل گئےتمام عمرکیلئے معذور بنا دیا۔ تفصیلات کے مطابق اٹھارہ ہزاری تھل کے علاقے میں تلور کا شکار کھیلنے کیلئے پاکستان آنے والے قطری شہزادوں کی گاڑی کی ٹکر سے غریب خاتون ریڑھ کی ہڈی ٹوٹ جانے کے باعث ساری زندگی کیلئے معذور ہو گئی ہے۔چار بچوں کی ماں شمیم مائی اپنے ایک بیٹے کے ساتھ پیدل جا رہی تھی
کہ قطری شہزادوں کی گاڑی نے اسے ٹکر مار دی، گاڑی کی ٹکر لگنے سے شمیم مائی کی ریڑھ کی ہڈی میں شدید چوٹ آئی جس کی وجہ سے وہ چلنے پھرنے سے قاصر ہو گئی ہے، خدشہ ظاہر کیا جا رہا ہے کہ ٹکر کی وجہ سے شمیم مائی سپائنل کاڈ وین یا تو کٹ گئی ہے یا برے طریقے سے متاثر ہوئی ہے جس کی وجہ سے وہ نچلا دھڑ ہلانے جلانے سے قاصر ہے۔شمیم مائی نے حکومت سے اپیل کرتے ہوئے کہا ہے کہ وہ ایک غریب خاتون ہے اور اس کے پاس علاج کیلئے پیسے نہیں جبکہ وہ غربت اور مشکلات کے باوجود پہلے اپنے بچوں کی پرورش کر رہی تھی مگر حادثہ کے باعث وہ چلنے پھرنے سے بھی قاصر ہو گئی لہٰذا اس کے علاج معالجے اور دیکھ بھال کا بندوبست کیا جائے اور اسے مالی امداد بھی دی جائے۔
