لاہور(نیوزڈیسک)معصوم انسانوں کو قاتل درندہ گرفتار،کون ہے اور کہاں سے تعلق ہے؟حیرت انگیزانکشافات، تفصیلات کے مطابق دہشتگردی کے واقعات کی منصوبہ بندی افغانستان میں کی گئی جہاں دہشت گردوں کا مرکز ہے۔ لاہور دھماکے کے پیچھے بھی یہی لوگ ملوث تھے۔ لاہور میں دھماکا کرنے والے خود کش بمبار کا تعلق بھی افغانستان سے تھا۔لاہور حملے کے سہولت کار انوار الحق کو گرفتار کر لیا گیا ہے جس کا تعلق باجوڑ ایجنسی سے ہے یہی سہولت کار انوار خود کش بمبار کو لاہور لایا۔

اس امر کا اعلان وزیر اعلیٰ پنجاب میاں محمد شہباز شریف نے کیا انہوں نے کہا کہ دہشتگردی کیخلاف پولیس کے اقدامات  قابل تحسین ہیں۔ لاہور دھماکے کی تحقیقات میں پیش رفت ہوئی ہے، دہشتگردوں کی نشاندہی ہو گئی ہے جس پر میں آئی جی پنجاب اور پولیس افسروں کو مبارکباد پیش کرتا ہوں۔ انہوں نے اس عزم کا اظہار کیا کہ ہم پاکستان سے آخری دہشتگرد کے خاتمے تک جنگ لڑیں گے اور انھیں کیفر کردار تک پہنچا کر رہیں گے۔ دہشتگردوں سے گن گن کر بدلہ لیں گے۔ قوم کو یقین دلاتا ہوں کہ ہم اپنے ایک ایک شہید کا بدلا لیں گے۔ دہشتگردوں کا قلع قمع کرنے کوئی کسر نہیں چھوڑیں گے۔