اسلام آباد (مانیٹرنگ ڈیسک) پاکستان میں اس وقت خواتین جس کرب اور بے چارگی سے گزر رہی ہیں اس کا حال سن کر ہی رونا آجاتاہے ۔ گھروں سے ٹھکرائی اور دھتکاری ہوئی خواتین کے پرسان حال اور کوئی نہیں بلکہ دار الامان ہیں جہاں جا کر خواتین اپنی عزت کو محفوظ سمجھتی ہیں ۔ مگر نہیں ۔۔ ! یہ تو پاکستان ہے ۔
تازہ ترین میڈیا رپورٹس کے ملتان کے دار الامان میں حوا کی بے بس و لاچار بیٹیوں کے ساتھ آدم کے بیٹوں کی جانب سے ظلم و ستم اور اپنی درندگی کا نشانہ بنائے جانے کا انکشاف ہو ا ہے ۔ نجی ٹی وی چینل ’’نیو ‘‘ کے مطابق ملتان کے دارالامان میں خاتون گل باز بی بی نے انتظامیہ پر جسم فروشی پر مجبور کرنے کا الزام لگادیا ۔ خاتون کا کہنا ہے دارالامان میں لڑکیوں اور خواتین کو جسم فروشی پر مجبور کیا جاتا ہے۔ انتظامیہ نے الٹا خاتون کے خلاف مقدمہ درج کرادیا۔ مقدمے میں خاتون پر دیگر خواتین پر جوتیوں اور لکڑیوں سے حملہ کرنے اور چھریاں دکھا کر قتل کرنے کی دھمکی دینے کا الزام عائد کیا گیا ہے۔ملتان خاتون دو ماہ سے دارالامان میں مقیم تھی۔خاتون نے الزام عائد کیا کہ ان قبیح حرکات میں دارالامان کے کلرک بھی شامل ہیں ۔
