لاہور(آئی این پی) نیب کی تحر یک انصاف کے ریجنل صدر علیم خان کیہائوسنگ سوسائٹی پارک ویو کی تحقیقات کیخلاف درخواست پر سماعت‘ عدالت نے نیب کو علیم خان کے خلاف کسی بھی کارروائی سے روک دیا ہے جبکہ عدالت کا نیب کو دو ہفتوں میں جواب جمع کرانے کا حکم بھی دے دیا۔
تفصیلات کے مطابق جسٹس علی باقر نجفی کی سربراہی میں دو رکنی بنچ نے ویڑن ڈویلپرز کی درخواست پر سماعت کی جس میں درخواستگزار کی طرف سے اظہر صدیق ایڈووکیٹ پیش ہوئے جس میں نیب کو میئر لاہور مبشر جاوید نے ہاؤسنگ سوسائٹی کیخلاف تحقیقات کی درخواست دی نیب نے سیاسی آلہ کار بنتے ہوئے علیم خان کیخلاف بمد کی گئی انکوائری دوبارہ کھول دی۔ ہاؤسنگ سوسائٹی سلک بینک سے خریدی ، تمام قانونی تقاضے پورے کئے درخواستگزار نے کہا کہ نیب کو سیاسی بنیادوں پر علیم خان کیخلاف تحقیقات اور کارروائی سے روکا جائے۔
