لاہور(آئی این پی)موسم سرما کی متوقع بارشوں کے پیش نظر پنجاب بھر میں کچی آبادیوکو سکیورٹی رسک قرار دے دیا جبکہ صوبہ بھر میں ایسی کچی آبادیوں کو بھی ’’رسک ‘‘قرار دیدیا گیا ہے جو پاک چائینہ اقتصادی راہداری میں آتی ہیں۔حکومت پنجاب نے تمام ضلعی آفیسر ز کو ہدایت جاری کی ہے کہ ایسی کچی آبادیوں کو فوری طور پر منتقل کرنے کیلئے وہاں پر رہائش پذیر افراد کو نوٹس جاری کریں تاہم جو آبادیاں قانون نافذ کرنیوالے اداروں کے ساتھ تعاون نہیں کریں گی ان کے خلاف سخت کارروائی کی جائے گی۔پنجاب کے ساتھ ساتھ ملک بھر کی ایسی کچی آبادیوں کی فہرستیں وزارت داخلہ کو روانہ کی جارہی ہیں تاکہ انہیں مسمار کرکے رہائشیوں کو دیگر مقامات پر منتقل کیاجاسکے۔

موضوعات:بارشیں