لاہور(آئی این پی) مسلم لیگ (ن) کی وفاقی حکومت کا فوجی عدالتوں کے معاملے پر اتحادیوں کے تحفظات دور کر نے کا فیصلہ ‘وفاقی وزیر خزانہ سینیٹر اسحاق ڈار سمیت اہم وفاقی وزراء کو اتحادیوں سے رابطوں کی ذمہ داری دی جائیگی جبکہ وزیر اعظم نوازشر یف کی بھی اتحادیوں سے ملاقات کا امکان ہے ۔ ذرائع کے مطابق فوجی عدالتوں کے معاملے پر جے یوآئی (ف) کے سر براہ مولانا فضل الر حمن ‘محمود خان اچکزئی بھی تحفظات کا اظہار کرچکے ہیں جسکے بعد اب (ن) لیگ کی وفاقی حکومت نے اتحادی جماعتوں کے قائدین سے ملاقاتیں کر کے انکے تحفظات دور کر نے کا فیصلہ کیا ہے جسکے لیے (ن) لیگ کے اہم وفاقی وزراء اتحادی جماعتوں کے قائدین سے رابطے اور ملاقاتیں کر یں گے ۔