اسلام آباد(آئی این پی)چیئرمین سینٹ میاں رضاربانی نے ملک میں پانی کی کمی کی سنگین صورتحال پر 17جنوری کو سینٹ ہول کمیٹی کا اجلاس طلب کر لیا ، اس بارے میں وزیر پانی وبجلی کو تیاری کر کے آنے کی ہدایت کر دی گئی ہے ان کی وزارت کو اس بارے میں ورکنگ پیپرز بھیج دیے گئے ہیں ۔ اس امر کا اظہارچیئرمین سینٹ نے پیر کو اجلاس کی کاروائی کے دوران کیا۔

انہوں نے اراکین سینٹ اور ایوان میں موجود وزیر پانی وبجلی کو آگاہ کیا کہ ہاؤس بزنس ایڈوائزری کمیٹی نے فیصلہ کیا ہے کہ پانی کے ایشو پر ہول کمیٹی کا اجلاس طلب کیا جائے گا۔ چیئرمین سینٹ نے وزیر پانی وبجلی سے رائے لینے کے بعد رولنگ جاری کی کہ ہول کمیٹی کا اجلاس 17جنوری کو ہوگا۔