ملتان (آئی این پی) پاکستان پیپلزپارٹی 10فروری کوملتان میں بڑاجلسہ منعقد کرے گی،ذرائع کے مطابق ملتان کے قلعہ کہنہ قاسم باغ میں منعقدہ جلسہ سے پاکستان پیپلز پارٹی کے چیئرمین بلاول بھٹو زرداری خطاب کریں گے۔پیپلزپارٹی ذرائع کے مطابق جلسہ عام جنوبی پنجاب کا پاورشو ہوگا اور اس موقع پر تحریک انصاف سے علیحدگی اختیار کرنے والے سابق ایم پی ایز ملک عباس راں اور ملک ارشدراں سمیت جنوبی پنجاب کی اہم سیاسی شخصیات کا بھی پیپلزپارٹی میں شمولیت کا امکان ہے۔دوسری طرف یہ بھی معلوم ہوا ہے کہ بلاول بھٹوزرداری کے جلسہ عام کی تیاریوں کیلئے جنوبی پنجاب بھر کی تنظیموں کو اہداف دے دئیے گئے ہیں۔

موضوعات:پیپلزپارٹی چیئرمین بلاول بھٹو زرداری