پشاور(مانیٹرنگ ڈیسک)وزیراعلی خیبرپختونخواپرویزخٹک نے کہاہے کہ اگربلدیاتی نمائندے اپنے علاقوں سے گندصاف نہیں کراتے توعوام گند اٹھاکران کے گھروں کے آگے پھینک دیں تاکہ انہیں احساس ہوسکے کہ عوام نے انہیں کس کام کےلئےاورکیوں منتخب کیاہے ۔

ورسک روڈپشاورپرصفائی مہم ’’گلونوپنچیورصفائی مہم ‘‘کے افتتاح کے موقع پرخطاب اورمیڈیاسے گفتگوکرتے ہوئے انہوں نے کہاکہ صفائی مہم کے تحت شہروں اوردیہات میں ڈمپنگ رائونڈزکے ذریعے گندگی کاصفایاکیاجائے گااوریہ ناظمین کی ذمہ داری ہے کہ وہ اپنے علاقوں میں صفائی کویقینی بنائیں ۔انہوں نے کہاکہ بلدیاتی نمائندوں کوفنڈزجاری کئے جاچکے ہیں اوراب اگروہ کام نہیں کرتے تویہ ان کی نااہلی ہے ۔بلدیاتی انتخابات میںعوام نے نچلی سطح پرنمائندوں کاانتخاب اسی غرض سے کیاکہ وہ ان کی دہلیزپرمسائل حل کرسکیں ۔

انہوں نے کہاکہ دورہ چین مفید رہا۔خیبرپختونخواکےلئے وہاں سے بہت کچھ لے کرآیاہوں تاہم اس بارے میں ابھی نہیں بتائوں گابلکہ الگ سےبریفنگ دوں گا۔وزیراعلی نے کہاکہ جنگلات کاٹنے والے قوم کے مجرم ہیں ۔افسوس پشاورکے 80فیصد باسی آلودہ پانی پیتے ہیں ۔انہوں نے کہاکہ اس سے چھٹکارہ پانے کےلئے وسائل فراہم کردیئے ہیں ۔