کوئٹہ ( این این آئی ) کوئٹہ کے بارونق اور کاروباری علاقے فاطمہ جناح روڈ پر نامعلوم افراد کی فائرنگ سے دو سیکورٹی اہلکار جاں بحق جبکہ شہری سمیت 2سیکورٹی اہلکار زخمی ہوگئے۔ تفصیلات کے مطابق ہفتے کی شب کوئٹہ کے بارونق اور کاروباری علاقے فاطمہ جناح روڈاور یٹ روڈ کے کارنر پر نامعلوم مسلح افراد نے ڈیوٹی پر موجود ایف سی کے اہلکار اور ٹریفک پولیس کے اہلکار پر فائرنگ کردی
جس کے نتیجے میں ایف سی کا سپاہی یونس اور ٹریفک پولیس کا اہلکار شاہ ولی موقع پر جاں بحق ہوگئے جبکہ ایف سی سپاہی احمد نواز اور محمد علی اور ایک شہری گل احمد زخمی ہوگئے ،فائرنگ کی آواز سنتے ہی علاقے میں شدید خوف ہراس پھیل گیا اور لوگوں میں بھگدڑ مچ گئی ،ہلاک ہونیوالوں اور زخمی سیکورٹی اہلکاروں کو فوری طورپر ہسپتال پہنچا دیا گیا۔واقعے کی اطلاع ملتے ہی ایف سی ، پولیس اور دیگر حساس ادارے کے اہلکار موقع پر پہنچ گئے ، ایف سی پولیس اور حساس ادارے نے علاقے کو گھیرے میں لیکر ملزمان کی تلاش شروع کردی ،واقعے کے بعد علاقے میں دکانداروں نے دکانوں اور بازار بند کردیا ۔
کوئٹہ ،فاطمہ جناح روڈ پر نامعلوم افراد کی فائرنگ سے زخمی ہونےوالے ایف سی کے 2سپاہی زخموں کی تاب نہ لاتے ہوئے چل بسے،فائرنگ میں جاں بحق ہونیوالے افراد کی تعداد چارہوگئی، کوئٹہ کے بارونق اور کاروباری علاقے فاطمہ جناح روڈ پر نامعلوم افراد کی فائرنگ 4 سیکورٹی اہلکار جاں بحق جبکہ 1شہری زخمی ہوگیا ۔ تفصیلات کے مطابق ہفتے کی شب کوئٹہ کے بارونق اور کاروباری علاقے فاطمہ جناح روڈاور یٹ روڈ کے کارنر پر نامعلوم مسلح افراد نے ڈیوٹی پر موجود ایف سی اور ٹریفک پولیس کے اہلکار وںپر فائرنگ کردی جس کے نتیجے میں ایف سی کا سپاہی یونس اور ٹریفک پولیس کا اہلکار شاہ ولی موقع پر جاں بحق ہوگئے جبکہ فائرنگ کے نتیجے میں ایک شہری سمیت 2ایف سی کے اہلکار شدید زخمی ہوگئے تھے جنہیں فوری طورپر سول ہسپتال پہنچایا گیا جہاں شدید زخمی ہونےوالے ایف سی کے2 سپاہی محمد علی اورعلی نواز زخموں کی تاب نہ لاتے ہوئے چل بسے۔
