کندھ کوٹ(این این آئی) قومی اسمبلی میں قائد حزب اختلاف سید خورشیداحمد شاہ نے کہاہے کہ آرمی چیف جنرل راحیل شریف ملازمت مدت پوری ہونے بعد ریٹائر ہوجائیں گے ،نواز شریف کے بطور وزیراعظم ہوتے ہوئے ملک کے اندرونی اور بیرونی خطرات بڑھتے جا رہے ہیں،

نواز شریف نے جن نعروں پر ووٹ لیا ان میں سے ایک وعدہ بھی پورا نہیں کیا اور وہ پاناما لیکس کے دلدل میں پھنس گئے ہیں جہاں سے نکلنا ان کے لئے مشکل ہوتا جارہا ہے۔گزشتہ روز یہاں میڈیا سے بات چیت کرتے ہوئے خورشید شاہ نے کہا کہ ملک کو اندرونی اور بیرونی خطرات ہیں، نواز شریف کے وزیراعظم ہوتے ہوئے یہ خطرات بڑھتے جا رہے ہیں، آرمی چیف جنرل راحیل شریف ملازمت مدت پوری ہونے بعد ریٹائر ہوجائیں گے،

نوازشریف نے جن نعروں پر ووٹ لیا ان میں سے ایک وعدہ بھی پورا نہیں کیا اور وہ پاناما لیکس کے دلدل میں پھنس گئے ہیں۔انہوں نے کہاکہ پیپلز پارٹی ہمیشہ جمہوریت کی حامی رہی ہے، ہم پر فرینڈلی اپوزیشن کے الزام غلط ہیں، بلاول بھٹو زرداری کے مطالبے نہیں مانے گئے تو تحریک چلائیں گے ، پیپلز پارٹی 27 دسمبر کونوازشریف کے خلاف جدوجہد کا اعلان کریگی۔