اسلام آباد (این این آئی)وزیر اعظم نواز شریف سے چوہدری نثار کی ملاقات تحریک انصاف کے کل جلسے سے متعلق اہم فیصلہ کر لیا وزیر اعظم نواز شریف سے وفاقی وزیر داخلہ چوہدری نثار نے انتہائی اہم ملاقات کی جس میں ملک کی موجودہ سیاسی صورتحال کے حوالے سے تبادلہ خیال کیا گیا۔نجی ٹی وی کے مطابق ملاقات میں وزیراعظم کو بریفنگ دیتے ہوئے وزیر داخلہ نے کہا کہ اسلام آباد کو لاک ڈاؤن کرنے کے خلا ف تمام اقدامات قانون کے مطابق کیے گئے ۔اس موقع پر چوہدری نثار نے کہا کہ اگر تحریک انصاف پریڈ گراؤنڈ میں پر امن جلسہ کرتی ہے تو ہمیں کوئی اعتراض نہیں۔ملاقات میں قومی سلامتی کے خلاف خبر سے متعلق تحقیقاتی کمیٹی پر بھی تبادلہ خیال کیا گیا ۔
دوسری طرف حریک انصاف کے پرامن احتجاج کے اعلان کے بعد وفاقی حکومت نے انتظامیہ کو تمام راستے کھولنے کی ہدایت کر دی ۔منگل کو چیئرمین تحریک انصاف عمران خان کی جانب سے پریڈ گراؤنڈ میں اظہار تشکر کیلئے جلسے کے اعلان کے بعد وفاقی حکومت نے انتظامیہ کو ہدایت کی کہ ملک بھر میں تمام شاہراہیں کھول دی جائیں اور راستوں سے تمام کنٹینرز ہٹا ئے جائیں ۔

موضوعات:چوہدری نثار وزیراعطم