اسلام آباد(مانیٹرنگ ڈیسک) پاکستان پیلز پارٹی کے سینئر رہنما اور سینٹر چوہدری اعتزاز احسن نے وزیر اعظم کی اوپن ہارٹ سرجری کے بارے میں سنگین نوعیت کے الزامات لگا دیئے ہیں انہوں نے الزام لگایا ہے کہ وزیر اعظم کی اوپن ہارٹ سرجری ہوئی ہی نہیں تھی۔
تفصیلات کے مطابق اسلام آباد میں میڈیا نمائندگان سے گفتگو کرتے ہوئے ان کا کہنا تھا کہ وزیر اعظم نواز شریف نے 20 کروڑ عوام کو بے وقوف بنایا ہے۔ اوپن ہارٹ سرجری موت کے قریب جانے کے مترادف ہے تو جب ان کی سرجری ہوئی تو ان کی اہلیہ سرجری کے وقت ان کے پاس کیوں موجود نہیں تھیں؟
ان کا مزید کہنا تھا کہ اوپن ہارٹ جیسی میجر سرجری کے بعد تیسرے ہی روز ایک آدمی سیڑھیاں کیسے چڑھ سکتا ہے ؟ انہوں نے مزید کہا کہ جس ہسپتال میں نواز شریف زیر علاج تھے اس کے بارے میں یہ چہ مگوئیاں بھی ہو رہی ہیں کہ اس ہسپتال میں اوپن ہارٹ سرجری ہوتی ہی نہیں ہے۔
اعتزاز احسن نے مزید کہا کہ پانامہ لیکس کے معاملے پر نواز شریف کی مشکلات بڑھیں گی۔ نواز شریف نے ٹی وی پر اپنے بیٹے کا انٹرویو چلا کر بہت بڑی غلطی کی ہے ۔ ان کا مزید کہنا تھا حکومتی اداروں کی جانب سے پانامہ لیکس کو ناممکن کہنا شرمناک امر ہے ۔
