لاہور ( این این آئی) ترجمان پنجاب حکومت سید زعیم حسین قادری کی پریس کانفرنس کے دوران صحافیوں سے الجھنے کا معاملہ ، پولیس نے عبدالغنی بٹ کے خلاف مقدمہ درج کرلیا۔تفصیلات کے مطابق پیر کے روز گلو بٹ کا بھائی عبدالغنی بٹ پریس کلب میں صحافیوں کے ساتھ الجھ پڑا اور پھر پنجاب حکومت کے ترجمان زعیم حسین قادری کی پریس کانفرنس میں پہنچ گیا جس کے بعد زعیم قادری پریس کانفرنس ادھوری چھوڑ کر چلے گئیتھے ۔ گلو بٹ کو اس کے ساتھیوں نے ہی تشدد کا نشانہ بنا ڈالا اور قلعہ گجر سنگھ پولیس کے حوالے کر دیا۔ پولیس نے منیجر پریس کلب سلمان کی مدعیت میں دفعہ 506 کے تحت مقدمہ درج کر کے کارروائی شروع کر دی ہے۔ایس پی سول لائن علی رضا کا کہنا ہے کہ ملزم کے خلاف قانون کے مطابق کارروائی ہوگی۔