اسلام آباد(مانیٹرنگ ڈیسک) سینئر صحافی نے دعویٰ کیا ہے کہ عمران خان اور طاہر القادری میں سے اس وقت حکومت کے لئے طاہر القادری زیادہ خطرناک ثابت ہوں گے ۔آرمی چیف اپنے وعدے کو ضرور پورا کریں گے ایسا ہوگیا تو حکومت کے لئے بہت بڑی مشکل کھڑی ہو جائے گی ۔
تفصیلا ت کے مطابق سینئر صحافی صابر شاکر نے نجی ٹی وی شو میں انکشاف کیا ہے کہ طاہر القادری کا راولپنڈی میں مارچ کرنے کا مقصد یہ ہے کہ وہ آرمی چیف راحیل شریف کے ساتھ ہونے والی آخری ملاقات میں ان کا وعدہ یاد دلائیں گے جس میں انہوں نے سانحہ ماڈل ٹاؤن کی ایف آئی آر درج کروانے اور ذمہ داروں کو سزا دلوانے کا وعدہ کیا تھا ۔ ان کا کہنا تھا کہ اس وقت راولپنڈی میں عوام کا ہجوم بڑھتا جا رہا ہے۔ کویقینی طور پر اگلے اڑتالیس سے بہتر گھنٹوں میں ہی کوئی نہ کوئی فیصلہ ہو جائے گا اور یہ میچ زیادہ لمبا نہیں جائے گا۔ صابر شاکر کا کہنا تھا کہ جنرل راحیل شریف کا کردار اس تمام معاملے میں سابق آرمی چیف جنرل عبدالوحید کاکڑ کی طرز پر ادا کیے جانے کا قوی امکان ہے ۔ یاد رہے کہ سابق آرمی چیف جنرل عبدالوحید کاکڑنے اپنے دور حکومت میں نواز شریف کو استعفیٰ دینے پر مجبور کیا تھا۔
صابر شاکر کے اس تجزئے پر تبصرہ کرتے ہوئے سابق وزیر اعظم راجہ پرویز اشرف نے کہا کہ صابر شاکر جو کہہ رہے ہیں لگتا ہے کہ ایسا ہی ہونے جا رہا ہے ۔
صابر شاکر نے کہا کہ جو اطلاعات آرہی ہیں اور ان کے پاس جو پیغامات آرہے ہیں ان کے مطابق میچ اب ڈی میں ہو رہا ہے اور کسی بھی وقت کچھ بھی ہو سکتا ہے۔

موضوعات:جنرل راحیل شریف سینئر صحافی دعویٰ