پنڈدادنخان (این این آئی) پاکستان مسلم لیگ(ن) کے راہنما حمزہ شہباز شریف نے کہا ہے کہ احتساب کے نام پر قوم کا وقت ضائع کیا جا رہا ہے عمران خان کے اردگرد قبضہ مافیا اور قرض خور کھڑے ہیں ہمیں ملک کو قائد اعظم کا روشن پاکستان بنانا ہے۔ میڈیا سے گفتگو کرتے ہوئے انہوں نے کہا کہ کشمیر میں الیکشن لڑنے والا قبضہ گروپ دو نشستیں حاصل کر سکا عمران خان کی یہی روش رہی تو قوم 2018 میں بھی مسترد کر دے گی پاکستان کی عوام نے دھرنے کی سیاست مسترد کر دی ۔انہوں نے مزید کہا کہ مجھے گھنٹوں گھنٹوں نیب کے دفتر میں بٹھایا گیا عمران خان خیبرپختونخوا کی عوام کے امیدوں کے مطابق کام کریں پاکستان نے ترقی کرنی ہے اور آگے بڑھنا ہے .