اسلام آباد (مانیٹرنگ ڈیسک) اسلام آباد اور راولپنڈی سمیت بالائی پنجاب، مالاکنڈ، ہزارہ ڈویژن، فاٹا، گلگت بلتستان اور کشمیر میں بعض مقامات پر تیز ہواوں اور گرج چمک کی ساتھ بارش جبکہ ملک کے دیگر علاقوں میں موسم گرم اور مرطوب رہنے کا امکان ہے۔ پی ٹی وی کے مطابق گزشتہ 24گھنٹوں کے دوران جڑواں شہروںاسلام آباد اور راولپنڈی کے بیشتر علاقو ں میں کہیں ہلکی اور کہیں موسلا دھار بارش سے موسم خوشگوار ہو گیا ، بالائی اور وسطی پنجاب ۔خیبر پختونخوا اور سندھ کے ساحلی علاقوں میں بھی بارش سے کرمی کی شدت میں کمی واقع ہو گئی۔
سب سے زیادہ بارش بہاولنگر میں37 ملی میٹر ریکارڈ کی گئی جبکہ سب سے زیادہ درجہ حرارت تربت میں 44 ڈگری سنٹی گریڈ ریکارڈ کیا گیا۔ آئندہ24 گھنٹوں کے دوران اسلام آباد راولپنڈی،گوجرانوالہ، لاہور، بہاولپور، ہزارہ، مالاکنڈ، سوات،ژوب ڈویژن، فاٹا، کشمیر اور گلگت بلتستان میں چند مقامات پر بارش تیز ہواﺅں اور گرج چمک کے ساتھ بارش کا امکان ہے ۔ پہاڑی علاقوں میں ندی نالوں میہں طغیانی اور مٹی کے تودے گرنے کا خدشہ ہے ،ملک کے دیگر علاقوں میں موسم جوں کا توں رہنے کی توقع ہے۔