لاہور ( این این آئی) انسداد دہشت گردی کی خصوصی عدالت نے قصور ویڈیو سکینڈل کے مقدمے سے دہشت گردی کی دفعات ختم کر کے کیس سیشن عدالت میں منتقل کرنے کا حکم دے دیا۔لاہور میں انسداد دہشت گردی کی خصوصی عدالت میں کے جج چوہدری محمد الیاس نے کیس کی سماعت کی ، مقدمے میں نسیم شہزاد ، فیضان مجید اور نسیم عامر کو نامزد کیا گیا تھا ۔ مدعی محمد اصغر نے تھانہ گنڈا سنگھ والا میں ملزمان کے خلاف جنسی بدفعلی، بلیک میلنگ اور بھتہ خوری کے الزامات کے تحت مقدمہ درج کرایا تھا ۔عدالت نے قصور ویڈیو سکینڈل کے تحت درج شدہ مقدمہ نمبر 257/15سے دہشت گردی کی دفعات ختم کر کے کیس سیشن عدالت میں منتقل کرنے کا حکم دے دیا ۔