فیصل آباد(نیوزڈیسک)فیصل آباد جلسہ میں خواتین،کپتان کے جلسے میں پھر وہی ہوگیا جس کی توقع تھی،تفصیلات کے مطابق پاکستان تحریک انصاف کے فیصل آباد جلسے میں گزشتہ جلسوں میں خواتین کے ساتھ بدتمیزی کے واقعات کے باوجود شر کت کیلئے کثیر تعداد میں خواتین پہنچ گئیں جن میں دیگر شہروں سے آنیوالی خواتین سمیت فیصل آباد کی مقامی خواتین کی بڑی تعداد بھی جلسہ گاہ پہنچ چکی ہے۔کپتان کے جلسے میں توقع کے مطابق خواتین نے گزشتہ جلسوں میں پیش آنے والے بدتمیزی کے واقعات کو نظر اندا ز کرتے ہوئے بھرپور شرکت کرکے سیکورٹی انتظامات پر اعتماد کا اظہار کیا ہے-
خواتین کا جوش و خروش زوروں پر کارکنوں نے ہاتھوں میں بینرز اور پلے کارڈ بھی پکڑ رکھے ہیں، جبکہ خواتین ایک دوسرے کے چہروں پر ٹیٹو بنانے میں مصروف نظر آرہی ہیں۔فیصل آباد کے جلسے میں سابقہ واقعات کو پیش نظر رکھتے ہوئے خواتین کی حفاظت کے لئے سخت ترین اقدامات کئے گئے ہیں اس سلسلے میں پرائیویٹ سیکورٹی کا بھی بندوبست کیاگیا ہے جبکہ ’’کھلاڑی ‘‘بھی خواتین شرکاء کی حفاظت پر مامور ہیں۔نجی ٹی وی کے مطابق جی سی یونیورسٹی گرلز ہاسٹل جانے والی طالبات کے خاردار تاروں سے الجھنے کی وجہ سے کپڑے پھٹ گئے جس پر انہوں نے احتجاج کیا ،طالبات کے احتجاج پر تحریک انصاف کی کارکن عظمیٰ کاردار اور یونیورسٹی کی طالبہ کے درمیان تلخ کلامی بھی ہوئی۔