باغ(نیوزڈیسک)یوسف رضاگیلانی کوجلسہ میں شرکت کیلئے آتے ہوئے علی حیدر گیلانی کی بازیابی کی اطلاع ملی ،حیرت انگیز طورپرواپسی کے بجائے جلسے میں خطاب کے لئے جانے کو ترجیح دی،سابق وزیراعظم یوسف رضا گیلانی نے کہا ہے کہ کشمیر کی سیاسی اخلاقی اورہر قسم کی ہر پلیٹ فارم پر حمایت ہمیشہ جاری رکھی جائیگی ٗشہیدوں کے خون کو کوئی رائیگاں نہیں کرسکتا،آپ کا،ہم سب کا کشمیر ضرور آزاد ہوگا ۔ جلسے سے خطاب کرتے ہوئے انہوں نے کہاکہ آج کا دن اور یہ جلسہ میرے لئے بہت مبارک ہے ٗجلسہ میں شرکت کیلئے آتے ہوئے علی حیدر گیلانی کی بازیابی کی اطلاع ملی ٗانہوں نے کہا میں نے اس کے آنے کااور اس سے ملاقات کا انتظار کرنے کیلئے وہاں نہیں رکا بلکہ قوم کے بچوں کو بھٹو کا پیغام پہنچانے کو ترجیح دی۔انہوں نے کہا کہ کشمیر پاکستان پیپلز پارٹی کے دل کے قریب ہے ٗیہ وہ علاقہ ہے جو پاکستان پیپلز پارٹی کے بننے کی وجہ بناکشمیر کی سیاسی اخلاقی اورہر قسم کی ہر پلیٹ فارم پر حمایت ہمیشہ جاری رکھی جائیگی۔انہوں نے کہا کشمیریوں کے مشن کو کوئی ختم نہیں کرسکتا۔شہیدوں کے خون کو کوئی رائیگاں نہیں کرسکتا،آپ کا،ہم سب کا کشمیر ضرور آزاد ہوگا ۔یوسف رضا گیلانی نے کہاکہ پیپلز پاٹی ایک نظریہ اور ایک مشن کا نام ہے ٗیہ مشن بھٹو کا تھابھٹو اور بی بی کو شہید کردیا گیا تاہم ان کی سوچ ان کے فلسفہ کو ختم نہیں کیاجا سکتاوہ سب لوگ جنہوں نے بھٹو کو دیکھا تک نہیں وہ بھی کہتے ہیں زندہ ہے بھٹوزندہ ہے۔انہوں نے کہا آپ دوستوں کی دعائیں ہیں جن کی وجہ سے میرا بچہ بازیاب ہوا ہے ٗبچے کی بازیابی کی اتنی بڑی خبر کے باوجود میں نے یہاں آکر قوم کے بچوں کو بھٹو کا پیغام پہنچانے کو ترجیح دی ۔انہوں نے پیپلز پارٹی کی ذیلی تنظیموں کو عظیم الشان جلسہ کے انتظام پر مبارکباد پیش کی